Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гомельскія чыноўнікі вырашылі ліквідаваць яшчэ адно аб`яднаньне 10:36, 10/11/2003, www.belngo.info
Гомельскае абласное жаночае аб`яднаньне "Ініцыятыва" скарыстаўшы параду судзьдзі абласнога суда Анатоля Дудзіча скіравала "парлямэнтараў" на перамовы з Упраўленьнем юстыцыі аб адкліканьні зыскавай заявы. Але сябры аб`яднаньня ня маюць ніякіх ілюзіяў і думаюць, што "Ініцыятыва" будзе зьліквідаваная цягам месяцу.
Як паведаміў нашаму парталу прадстаўнік аб`яднаньня ў судзе Леанід Судаленка, галоўны спэцыяліст Упраўленьня юстыцыі Тамара Стрыжнева сустрэла яго і старшыню аб`яднаньня халодна. "Супрацоўніца не праявіла ніякай зацікаўленасьці ў мірным урэгуляваньні канфлікту і крытычна выказалася ў адносінах да прынесеных намі дакумэнтаў, якія былі ў абсалютным парадку", - сказаў Судаленка. Пра словах прадстаўніка, гэтыя дакумэнты адкідаюць усе прэтэнзіі, якія ўтрымліваюцца ў зыску да аб`яднаньня "Ініцыятыва".
"Нам сказалі, што дакумэнты будуць разглядацца цягам месяцу – гэта яўная прыкмета, што чыноўнікі не захочуць мірна вырашаць канфлікт. Думаю, не чакаючы гэтага тэрміну, суд ліквідуе жаночае аб`яднаньне", - лічыць Леанід Судаленка.
, iнформэр
