«Пяцерка» змагаецца не за мандаты, а за настрой :: Хартыя'97 :: Навiны

У нядзелю лiдары “пяцёркi” спаткалiся ў Гродне з прадстаўнiкамi гарадзенскіх аддзяленняў дэмакратычных партыяў i грамадзкiх арганiзацыяў.

- Мы прыехалi да вас у пачатку вельмi важнай палiтычнай кампанii. 2004 год – гэта год парлямэнцкiх выбараў. Цi стане ён святлом у канцы тунэля залежыць ад усiх нас, - заявiў лiдэр Аб’яднанай грамадзянскай партыi Анатоль Лябедзька.

Мэта сустрэчы “пяцёркi” з гродзенцамi - гэта знаёмства з сiтуацыяй i настроямi на Гродзеншчыне, а таксама прадстаўленне сваёй ацэнкi перспектываў аб’яднання апазiцыi.

- Упершыню Гродна адначасова наведалi столькi палiтычных лiдараў, - зазначыў, адчыняючы сустрэчу, Аляксандр Мiлiнкевiч, кiраўнiк грамадзкага аб’яднання “Ратуша”. I сапраўды, з гарадзенцамі вырашылi спаткацца лiдары ўсiх найбуйнейшых апазiцыйных партыяў: Анатоль Лябедзька - Аб’яднаная грамадзянская партыя, Леанiд Лемяшонак - Беларуская партыя працы, Сяргей Калякiн - Партыя камунiстаў Беларуская, Вiнцук Вячорка - Партыя БНФ i Станiслаў Шушкевiч - Беларуская сацыял-дэмакратычная Грамада.

- Мы розные палiтычныя партыi, ў нас розныя палiтычныя мэты... Да аб’яднання сваiх сiлаў мы iшлi вельмi доўга... Сёння нельга быць паасобку, - зазначыў на пачатку сустрэчы лiдар Партыi камунiстаў Беларускай Сяргей Калякiн. Каштоўнасцямi, якiя аб’ядноўваюць апазiцыйныя палiтычныя партыi, Калякiн лiчыць суверэнiтэт Беларусi, недапушчэнне абрання Аляксандра Лукашэнкi на трэцi тэрмiн i правы чалавека.

- Калi мы не аб’яднаемся сёння, дык праз нейкi час усе мы ўсё адно сустрэнемся ў адным месцы – на Акрэсцiна альбо ў Валадарцы, - заявiў Анатоль Лябедзька. “Пяцёрка” плануе выставiць адзiны спiсак дэмакратычных кандыдатаў на будучых парлямэнцкiх выбарах, але галоўнай сваёй мэтай лiдары апазiцыйных палiтычных партыяў бачаць перадусiм змаганне за сiмпатыi грамадзтва.

- Усiм вядома, што гэта будуць за выбары i таму трэба змагацца за сiмпатыi насельнiцтва, - сказаў старшыня партыi БНФ Вiнцук Вячорка – Рэальным нашым посьпехам будзе, калi на наступны дзень пасьля выбараў людзi будуць рабiць тое самае, што сёння робяць грузiны.

“Пяцёрка” дэкларуе адкрытасць да далучэння iншых палiтычных сiлаў, у прыватнасцi, Еўрапейскай Каалiцыi “Свабодная Беларусь” i дэпутацкай групы “Рэспублiка”.

- Мы казалi Статкевiчу, што дзверы мы трымаем адчыненымi, але цяпер ужо халадно стала ў хаце i трэба гэтыя дзверы зачыняць... Мы не бачым нiводнай арганiзацыi i нiводнай каалiцыi, якая была б альтэрнатывай для нашага аб’яднання... Але мы не павiнны змагацца нi з Еўрапейскай Каалiцыяй, нi з “Рэспублiкай”, у нас ёсьць з кiм змагацца, - заявiў Анатоль Лябедзька. Па словах Лябедзькi, “пяцёрка” разглядае “дэпутатаў” з групы “Рэспублiка”, як патэнцыйных кандыдатаў ў агульны спiс.

Да гэтага лiдары апазiцыi наведалi Гомель, Магiлеў i Брэст.