Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
БСДП (НГ) атрымала папярэджаньне 11:11, 27/11/2003
Міністэрства юстыцыі Беларусі 26 лістапада вынесла папярэджаньне Беларускай сацыял-дэмакратычнай партыі “Народная Грамада” і патрабуе ліквідацыі Берасьцейскай абласной арганізацыі гэтай партыі, паведамляе Радыё Свабода.
Пісьмовае папярэджаньне было абвешчанае за артыкул пад назовам “Бяз компасу карабель ніколі ня прыйдзе да свайго прычалу”, зьмешчаны ў газэце “Народная воля”. Аўтарам артыкулу ёсьць старшыня Берасьцейскай абласной арганізацыі БСДП “Народная Грамада” Анатоль Ляўковіч.
У пісьмовым папярэджаньні, падпісаным міністрам Галаванавым, адзначаецца, што ў сваім артыкуле спадар Ляўковіч зьняважыў “гонар, годнасьць і рэпутацыю органаў улады Рэспублікі Беларусь”, а таксама прадстаўнікоў грамадзкасьці і асабіста Аляксандра Лукашэнкі. У Міністэрстве юстыцыі лічаць, што лідэр берасьцейскіх сацыял-дэмакратаў ня толькі парушыў беларускае заканадаўства, але і партыйны статут.
Ад кіраўніцтва “Народнай Грамады” Мінюст запатрабаваў распусьціць Берасьцейскую абласную арганізацыю гэтай партыі, бо, паводле міністэрскай высновы, аўтар артыкулу ў “Народнай волі” выказваў не асабістае меркаваньне, а ўсіх сябраў партыі ў берасьцейскім рэгіёне. Минск, Белоруссия
, iнформэр
