Апазiцыянера выганяюць з педунiверсiтэта :: Хартыя'97 :: Навiны

Атэстацыйная камiсiя Брэсцкага дзяржаўнага педагагiчнага унiверсiтэта iмя А.С.Пушкiна вынесла рашэнне аб прафесiйнай непрыгоднасцi дацэнта, кандыдата фiласофскiх навук Анатоля Ляўковiча. Анатоль Ляўковiч узначальвае Брэсцкую абласную фiлiю Беларускай сацыял-дэмакратычнай партыi (Народная Грамада) i удзельнiчаў у мясцовых выбарах.

Атэстацыйная камiсiя Брэсцкага дзяржаўнага педагагiчнага унiверсiтэта iмя А.С.Пушкiна сфармулявала дзiўную прычыну для звальнення Анатоля Ляўковiча: дрэнная iдэалагiчная праца ды адсутнасць спартыўных дасягненняў. Цяпер з кiраўнiком Брэсцкай арганiзацыi БСДП будзе заключаны кантракт на працу да канца 2003 года.

Кiраўнiцтва Народнай Грамады лiчыць звальненне аднаго з лiдэраў партыi выключна палiтычнай помстай за ўдзел у выбарах.
- Улада спрабуе нейтралiзаваць палiтычна актыўных асобаў, якiя могуць уяўляць пагрозу на наступных парламенцкiх выбарах. Улада iмкнецца пазбавiць iх статуса, каб на выбары, напрыклад, iшлi беспрацоўныя. Як выбаршчыкi ставяцца да беспрацоўных - агульнавядома... Таму ўсiх нашых кандыдатаў улада хоча перавесцi ў катэгорыю беспрацоўных, - паведаміў ПАГОНІ старшыня “Народнай Грамады” Мiкола Статкевiч.

Але ёсць i другая прычына.

- Гiсторыкi з`яўляюцца палiтычна актыўнымi людзьмi (звычайна з гiсторыкаў i юрыстаў выходзяць палiтыкi), i яны зараз апынулiся пад ударам, бо гiсторыя мусiць быць звязаная з iдэалогiяй. Як кажа моладзь, гэта асноўная "фiшка" цяперашняй улады , - сцвярджае лiдэр БСДП.
Белоруссия