Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На вялікі жаль, арганізатары дзіцячых ёлак чамусьці не падумалі пра тое, што ў нашай краіне акрамя рускай мовы ёсьць дзяржаўная беларуская. Практычна ўсе прапанаваныя для наведваньня ёлкі на рускай мове. У сувязі з гэтым суполка Таварыства Беларускай Мовы "Беларуская Музычная Альтэрнатыва" вырашыла зладзіць сьвята для беларускамоўных дзетак. Такім чынам 2 студзеня ў Палацы Культуры Ветэранаў (Я.Купалы,21) пройдзе БЕЛАРУСКАЯ ёлка "Навагодні акіян радасьці". У праграме цікавы дзіцячы спектакль, дыскатэка з гульнямі, конкурсамі і падарункамі каля ёлкі са Святым Мікалаем! Пачатак а 12:00. Звяртаемся да зацікаўленых аказаць магчымую падтрымку: прыйсьці са сваімі дзеткамі альбо паведаміць сваім знаёмым. Кантактныя тэлефоны: 80296490888, 80297662425.
Беларуская Музычная Альтэрнатыва (БМАgroup) запрашае на свае імпрэзы:
27 сьнежня ў Палацы культуры ветэранаў (Я.Купалы, 21) адбудзецца прэзентацыя новага альбома легенды беларускай бардаўскай песьні Вальжыны Цярэшчанкі "Хтось крануўся крылаў". У канцэрце таксама бяруць удзел вядомыя барды Андрэй Мельнікаў і Зьміцер Вінаградаў. Пачатак а 19:00. Кошт квітка 4 500 руб.
8 лютага ў канцэртнай залі "Мінск" пройдзе вялікі электрычны канцэрт гурта N.R.M. Пачатак а 19:00. Кошт квіткоў ад 7000 да 20 000 руб. Той, хто набудзе квіток за 20 000 рублёў, атрымае ў падарунак CD - трыб`ют гурта N.R.M. "Віза Незалежнай Рэспублікі Мроя".
, iнформэр
