Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыя на паўтары гадзіны затрымала наклад смаргонскага выпуску недзяржаўнай “Местной газеты”. А 17 гадзіне патрульная машына на ўезьдзе ў Смаргонь прымусіла спыніцца мікрааўтобус “Фольксваген”, у якім везьлі з друкарні 5700 асобнікаў выданьня.
Вядомаму мясцоваму выдаўцу Рамуальду Ўлану з кіроўцам давялося ехаць у міліцыю. Ніякіх парушэньняў міліцыянты ня выявілі і ў 18.30 адпусьцілі затрыманых.
Рамуальд Улан лічыць, што мясцовыя ўлады па-ранейшаму імкнуцца стварыць перашкоды незалежнай газэце. Спачатку яны дамагліся закрыцьця “Новой газеты Сморгони”. Гэтымі днямі смаргонскую рэдакцыю “Местной газеты” наведалі тры праверкі з органаў кантролю, паведаміла Радыё Свабода.
