Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Замест Масквы Сідорскі паехаў у Вену 11:14, 13/01/2004
Чакалася, што 12 студзеня прэм’ер Сяргей Сідорскі ў Маскве сустрэнецца з кіраўніком расейскага ўраду Міхаілам Касьянавым, каб абмеркаваць дагэтуль ня вырашаныя пытаньні супрацоўніцтва дзьвюх краінаў у газавай сфэры. Аднак, як паведаміла Радыё Свабода, замест Масквы спадар Сідорскі 12 студзеня накіраваўся з рабочым візытам у Вену.
Як паведаміў ягоны прэсавы сакратар Яўген Мялешка, прэм’ер прыме ўдзел у паседжаньні назіральнай рады “Прыёрбанку”, які цяпер належыць аўстрыйскай групе “Райфайзэн”. Сяргей Сідорскі дагэтуль узначальвае назіральную раду “Прыёрбанку”. Як паведамілі ў апараце Саўміну, беларускі ўрад выказвае зацікаўленасьць у інвэстыцыйных праектах з боку аўстрыйскага “Райфайзэнбанку”, і спадар Сідорскі зьбіраецца перадаць кіраўніцтву аўстрыйскага банку адпаведныя прапановы.
Падчас трохдзённага візыту Сяргея Сідорскага ў Аўстрыю ніякіх афіцыйных сустрэчаў з прадстаўнікамі мясцовых уладаў ня будзе — чакаецца толькі, што беларускі прэм’ер нефармальна сустрэнецца зь віцэ-канцлерам — фэдэральным міністрам траснпарту, інавацыяў і тэхналёгіяў Аўстрыі Губэртам Горбахам. Белоруссия
, iнформэр
