Дзень Ліцэю на вуліцы :: Хартыя'97 :: Навiны

15 студзеня споўнілася 14 год Нацыянальнаму гуманiтарнаму лiцэю iмя Якуба Коласа. 13 год гэтае сьвята безь перашкодаў адбывалася ў будынку лiцэю й суправаджалася вялiкiмi ўнутрылiцэйскiмi iмпрэзамi, адкрыцьцём разнастанйых фотастэндаў, канцэртамi й небезьвядомай навукова-практычнай канфэрэнцыяй. Але ўлетку 2003 году лiцэй напаткаў шэраг сумных падзеяў: улады забралi будынак і ліквідавалі ліцэй, але ён ня быў зьнiшчаны.

Юнакi й дзяўчаты разам з сваiмi выкладнiкамi працягнулi заняткi спачатку на вулiцы, а пасьля ўжо ў падпольных умовах. Вучоба працягваецца й цяпер, на дабрачынных умовах. Лiцэiсты, змагаючыся ўсё лета й восень, ладзячы вулiчныя акцыi й дзяжурствы каля будынку, пiшучы шэраг зваротаў i заяваў з просьбамi пра падтрымку, сталi сапраўднымi героямi году, як вызначылi многiя СМI. I яны не адраклiся ад лiцэю i сёньня сьвяткуюць чaрговы дзень народзiнаў сваёй alma mater.

14-15 студзеня адбываюцца сьвяткаваньнi, прымеркаваныя да 14-х угодкаў лiцэю. 14 студзеня адбылася ўрачыстая лiноўка, на якой сабраўся ўвесь лiцэй i яго госьцi. 15 студзеня лiцэiсты запрашаюць грамадзкасьць прыняць удзел у сьвяточнай мастацкай iмпрэзе, якую самi i арганiзавалi. Калi ўдасца, то iмпрэза будзе адбывацца ў будынку па вул. Кiрава, 21. Не - на вулiцы, пад адкрытым небам. Пасьля iмпрэзы лiцэiсты рушаць да праспэкту Ф. Скарыны й правядуць сымбалiчную сьвяточную вулiчную акцыю ў падтрымку лiцэю.

Запрашаем журналiстаў, гасьцей, сяброў лiцэю 15 сьнежня да будынку па вул. Кiрава, 21 у 14.45.
Минск, Белоруссия
ddddd