Дзе быў Лукашэнка апошнія дні? :: Хартыя'97 :: Навiны

Паводле аўстрыйскага міністэрства ўнутраных справаў, беларускі кіраўнік цягам апошніх дзён быў там з прыватным візытам, таму час ягонага ад’езду з Аўстрыі мусіць застацца таямніцай. Аднак прадстаўнік МЗС Аўстрыі заяўляе, што прэзыдэнт Беларусі яшчэ паедзе туды ў лютым катацца на лыжах. Тым ня менш, у Краснапольле Аляксандар Лукашэнка прыбыў праз 30 гадзінаў пасьля трагедыі ў школе.

Аўстрыйскі консул у Маскве паведаміў, што ў сярэдзіне мінулага тыдня амбасада Нямеччыны ў Менску паінфармавала яго пра запыт Аляксандра Лукашэнкі наконт візы для паездкі ў Аўстрыю. На запыт быў дадзены станоўчы адказ. Зь якой мэтай Лукашэнка сабраўся ў гэтую краіну? Прэсавы сакратар аўстрыйскага міністэрства ўнутраных справаў Рудольф Гольлеа заявіў пра візыт беларускага кіраўніка наступнае:

-- Ён ня быў у Аўстрыі паводле службовых справаў — гэта была прыватная паездка. Нам не дазволена казаць вам пра час ягонага ад’езду. Ён ня быў у Аўстрыі афіцыйна, таму гэта мусіць быць сакрэтам.

У дзень трагедыі Аляксандар Лукашэнка хаця й выказаў свае спачуваньні, у Краснапольле не паехаў і на экране тэлевізараў не зьявіўся. І ў сераду да 18-й гадзіны ніякіх тэлевізійных кадраў пра знаходжаньне спадара Лукашэнкі ў Краснапольлі не было, хаця там Беларускае тэлебачаньне ўсталявала мабільную спадарожнікавую станцыю, зь якой рабіліся жывыя эфіры (на тэлеэкранах Лукашэнка з’явіўся толькі ўвечары, у 21 гадзіну).

Увечары супрацоўнік аўстрыйскага МЗС Пэтэр Гушэльбаўэр зрабіў пісьмовую заяву, што “прэзыдэнт Лукашэнка не наведваў Вены на гэтым тыдні — і афіцыйна, і неафіцыйна. Насамрэч, прэзыдэнт Лукашэнка прыбудзе ў Аўстрыю ў лютым з прыватным візытам. Ён паедзе катацца на лыжах у Тыролі”.
Минск, Белоруссия