Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўніка Берасьцейскай арганізацыі БНФ прымушаюць сплаціць штраф 11:08, 09/02/2004
6 лютага суд Маскоўскага раёну Берасьця адхіліў скаргу старшыні гарадзкой арганізацыі БНФ Ніны Давыдоўскай на рашэньне адміністрацыйнай камісіі Маскоўскага раёну. Паводле гэтага рашэньня спадарыню Давыдоўскую забавязалі сплаціць штраф 49 тысяч рублёў за распаўсюд друкаванай прадукцыі, якая ня мае выходых зьвестак і “шкодзіць дзяржаўным інтарэсам”. Такой прадукцыяй міліцыянты палічылі ўлёткі, што сябры БНФ раздавалі летась 10 сьнежня, у Міжнародны дзень правоў чалавека, каля берасьцейскага заводу “Цьветатрон”. Улёткі ўтрымлівалі заклік да рабочых адстойваць свае правы.
Нягледзячы на пярэчаньні Ніны Давыдоўскай, суд Маскоўскага раёну Берасьця засьведчыў, што распаўсюд улётак без выходных зьвестак ёсьць парушэньнем Закону аб сродках масавай інфармацыі. Спадарыня Давыдоўская заявіла пра намер абскарджваць гэтае рашэньне ў абласным судзе. Белоруссия
