Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Віцебску затрымалі сябраў КХП БНФ 10:32, 24/02/2004
У Віцебску за несанкцыянаванае пікетаваньне затрымалі сябраў КХП БНФ Уладзімера Плешчанку ды Аляксандра Салаўяна. Апазыцыянераў затрымалі за зьмест плякатаў, зь якімі яны выйшлі да Віцебскага райвыканкаму. Як паведамляе Радыё Свабода, Плешчанка трымаў у руках абвестку “Збор подпісаў супраць саюзнае дамовы, незаконна падпісанай Аляксандрам Лукашэнкам”, а Аляксандар Салаўян меў плякат “Схадзіў на выбары – падтрымаў існуючы рэжым”.
Прачытаўшы гэтыя словы, патрульныя міліцыянты спачатку перапісалі іх на паперку ды на колькі хвілінаў ад’ехалі. Вярнуўшыся, як лічыць спадар Плешчанка, пасьля кансультацыі з начальствам, яны загадалі абодвум апазыцыянэрам ехаць зь імі ў пастарунак. Уладзімера Плешчанку ды Аляксандра Салаўяна завезьлі ў Чыгуначны райаддзел міліцыі ды склалі пратакол за несанкцыянаванае пікетаваньне.
На рахунку Плешчанкі ды Салаўяна ўжо некалькі соцень падобных затрыманьняў. Толькі ў гэтым месяцы іх падобным чынам затрымлівалі ўжо двойчы. Мінулым разам, 5 лютага, Уладзімера Плешчанку проста з пастарунку завезьлі ў суд, дзе за несанкцыянаванае пікетаваньне, паводле выраку судзьдзі спадарыні Варатынскай, ён быў аштрафаваны на 2 мільёны 800 тысяч рублёў. Белоруссия
