Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенскі прадпрымальнік Зьміцер Іваноўскі абвесьціў галадоўку 10:28, 04/03/2004
Зьмітру Іваноўскаму прысудзілі 10 сутак арышту за арганізацыю “мітынга маўчаньня” прадпрымальнікаў, які адбыўся 1 сакавіка. У судовай зале 3 сакавіка спадар Іваноўскі заявіў, што абвяшчае галадоўку, паведамляе Радыё Свабода.
1 сакавіка побач з аблвыканкамам каля 500 прадпрымальнікаў моўчкі пратэставалі супраць пагаршэньня ўмоваў сваёй працы. Намесьніка старшыні грамадзкага аб’яднаньня “Пэрспэктыва” Зьмітра Іваноўскага сярод іх не было. Напярэдадні акцыі яго затрымалі з улёткамі, у якіх прадпрымальнікаў запрашалі прыйсьці на “мітынг маўчаньня”. За ўлёткі спадара Іваноўскага пакаралі штрафам у адну базавую велічыню ў Кастрычніцкім раённым судзе гораду. А пасьля мітынгу запрасілі ў Ленінскі раённы аддзел міліцыі, каб абвінаваціць у арганізацыі акцыі, на якой сам ён наагул не прысутнічаў. 3 сакавіка судзьдзя Ленінскага суду Натальля Козел палічыла, што ён быў арганізатарам “мітынга маўчаньня” і пакарала яго дзесяцьцю суткамі арышту. Минск, Белоруссия
