Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Суд пакінуў у сіле яшчэ адно папярэджанне «БДГ» 10:26, 24/03/2004
23 сакавіка Вышэйшы гаспадарчы суд адхіліў чарговы зыск рэдакцыі "Белорусской деловой газеты" да Міністэрства інфармацыі. Журналісты спрабавалі аспрэчыць папярэджанне, якое міністэрства вынесла газеце 30 студзеня, паведамляе прэс-служба Беларускай асацыяцыі журналістаў.
Падставай для вынясення папярэджання стаў артыкул Ірыны Макавецкай "Виконт" не вписался в белорусскую действительность", які з`явіўся ў №104 "БДГ" ад 10 снежня 2003 года. Міністэрства інфармацыі палічыла, што журналістка парушыла арт. 5 Закона "Аб друку і іншых СМІ", апублікаваўшы матэрыялы судовай справы, не завершанай вытворчасцю, без пісьмовага дазволу суддзі.
Такім чынам, сёлета Вышэйшы гаспадарчы суд адхіліў ужо тры судовыя зыскі УП "Марат" да Міністэрства інфармацыі, у якіх рэдакцыя патрабавала скасаваць папярэджанні "БДГ". Два папярэднія выносіліся 16 і 26 снежня 2003 года за распаўсюд звестак, якія не адпавядаюць рэчаіснасці (арт. 32 Закона аб друку)
Нагадаем таксама, што 13 лютага за публікацыю "Виконт" не вписался в белорусскую действительность" Макавецкай вынесла папярэджанне пракуратура Гомельскай вобласці. Белоруссия
, iнформэр
