Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Брэсцкі суд не задаволіў скаргу апазыцыянеркі 10:21, 26/03/2004
25 сакавіка судовая калегія па грамадзянскім справам Брэсцкага абласнога суду ў складзе Дмітрука Г.Р., Усьцімчук Н.С. і Чэбушавай Н.С. не задаволіла скаргу старшыні брэсцкай арганізаціі Партыі БНФ Ніны Давыдоўскай, аштрафаванай за распаўсюд 10 сьнежня 2003 года улётак-віншаваньняў з Міжнародным днём правоў чалавека.
19 сьнежня 2003 году адмінистратыўная камісія Маскоўскага раёну Брэста прыцягнула да адказнасьці Ніну Давыдоўскую ў выглядзе штрафу ў памеры 49.000 рублёў за парушэньне ч. 3 арт. 172 КаАП РБ. Ніне Давыдоўскай ставілася ў віну тое, што яна “…ля прахадной заводу “Колератрон”, што па вуліцы Суворава, 55, распаўсюджвала ўлёткі, вырабленыя з парушэньнем вызначанага парадку і ня маючых выходных дадзеных, зьмест якіх накіраваны на нанясеньне шкоды дзяржаўнаму і грамадзкаму парадку і законным інтарэсам грамадзян”.
Варта адзначыць, што старшынствуючы судовай калегіі Дмітрук Г.Р. не агучыў у поўным аб’ёме матэрыялы справы, пэўна жадаючы схаваць факт парушэньня правоў чалавека ў Брэсьце ад прысутных на разглядзе справы студэнтаў-практыкантаў, паведамляе праваабарончы цэнтр “Вясна”. Минск, Белоруссия
