Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія сацыял-дэмакраты за еўрапейскі выбар 14:50, 29/03/2004
Чарговае пасяджэнне Выканаўчага Бюро Беларускай сацыял-дэмакратычнай партыі (Народная Грамада) адбылося 27 сакавіка ў Менску. На ім было прынята рашэнне аб працягу ў межах Еўрапейскай Кааліцыі “Свабодная Беларусь” інфармацыйнай кампаніі на карысць еўрапейскага выбару Беларусі.
Таксама прапанавана рэгіянальным арганізацыям партыі правесці 1 мая публічныя акцыі пад лозунгамі інтэграцыі нашай краіны ў Еўрапейскі Саюз, супраць масавага ўвядзення кантрактнай сістэмы, а таксама супраць павышэння цэнаў на жыллёва-камунальныя паслугі. Выканаўчае Бюро прыняло заяву пратэсту супраць узбуджэння крымінальнай справы ў дачыненні да старшыні Аб’яднанай грамадзянскай партыі Анатоля Лябедзькі, а таксама супраць затрымання старшыні Партыі БНФ Вінцука Вячоркі і прысуджэння штрафаў Вячаславу Сіўчыку, Валянціну Баранаву і Дзянісу Буйніцкаму за ўдзел у святкаванні Дня Волі 25 сакавіка.
Таксама на пасяджэнні Выканаўчага Бюро разгледжаны ход падрыхтоўкі партыі да парламенцкіх выбараў і намаганні кіраўніцтва партыі па кансалідацыі дэмакратычных сіл. Минск, Белоруссия
