Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міхаіла Марыніча пакаралі за публікацыю ў «Народнай волі» 11:24, 14/04/2004
13 красавіка суд Ленінскага раёну Менску пакараў Міхаіла Марыніча штрафам на дзесяць базавых велічыняў — гэта прыблізна 90 амэрыканскіх даляраў за публікацыю ў газэце “Народная воля”. Спагнаньне вынесьлі за тое, што ў артыкуле “Каляпс?”, які надрукаваны ў газэце “Народная воля”, Міхаіл Марыніч называе сябе сябром грамадзкай арганізацыі “За годнае жыцьцё”. Гэтая арганізацыя пакуль не зарэгістраваная Міністэрствам юстыцыі, хаця адпаведныя дакумэнты туды ўжо пададзеныя.
“Я ўпэўнены, што гэта абсалютна палітычная справа. У артыкуле “Каляпс?” я пісаў пра зрастаньне ўладаў з мафіёзнымі структурамі. У прыватнасьці, я згадваў Кіраўніцтва справаў прэзыдэнта Рэспублікі Беларусь. Згодна з загадам прэзыдэнта, асноўныя галіны вытворчасьці цалкам падпарадкаваныя Кіраўніцтву справаў. Арышт Галіны Жураўковай ускосна пацьвярджае гэта. Таму ўлады вырашылі знайсьці іншую зачэпку. Такой і стала тэхнічная памылка ў артыкуле”, -- паведаміў Марыніч Радыё Свабода. Белоруссия
, iнформэр
