Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пракуратура пачала ціск на лідэраў грамадзкіх арганізацыяў 11:25, 14/04/2004
Лідэры шэрагу грамадзкіх арганізацыяў цягам апошняга месяцу былі выкліканыя на размову да старэйшага пракурора аддзелу агульнага нагляду Пракуратуры Рэспублікі Беларусь Станіслава Новікава. Сярод выкліканых былі такія вядомыя грамадзкія дзеячы, як Алесь Бяляцкі, Вацлаў Арэшка, Ірына Жыхар, Сяргей Мацкевіч, Барыс Звозскаў і іншыя.
Па словах выкліканых, пракурор Новікаў задаваў ім пытаньні адносна грамадзкага жыцьця, іх замежных паездак, дзейнасьці няўрадавых арганізацыяў, сябрамі якіх яны зьяўляюцца.
Як пракамэнтаваў сытуацыю юрыст Юры Чавусаў, “падобнага кшталту “размовы”, на якую пракурорскі работнік выклікае грамадзкіх актывістаў, зьяўляецца працэдурай, сумнеўнай з пункту гледжаньня закона. Дзеяньні пракурора Новікава не адпавядаюць звычайнай пракурорскай дзейнасьці па наглядзе за выкананьнем законнасьці і маюць прыкметы мэтанакіраванага палітычнага перасьледу грамадзкіх дзеячоў”, паведаміла www.belngo.info Белоруссия
