Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Заява Еўрапейскай кааліцыі «Свабодная Беларусь» 14:04, 29/04/2004
1 мая Беларусь святкуе Дзень працы. Сёлета гэта дата набывае яшчэ адзін сэнс. Польшча, Літва і Латвія робяцца часткай Еўрапейскага Саюза. Еўрапейскі выбар братніх народаў — гэта найперш выбар ладу жыцця. Нашы суседзі выбралі свабоду, бяспеку, развіццё і дабрабыт. На жаль, еўрапейскі шлях Беларусі блакіраваны правячым рэжымам. Толькі мы самі, грамадства нашай краіны здольны прарваць гэтую блакаду і пракласці сабе шлях да еўрапейскай будучыні. 1 мая Еўрапейская кааліцыя "Свабодная Беларусь" правядзе ў буйных гарадах масавыя мерапрыемствы пад лозунгамі інтэграцыі Беларусі ў ЕС, супраць масавага ўвядзення кантрактнай сістэмы і павелічэння цэнаў на камунальна-бытавыя паслугі. У Мінску святкаванне пройдзе ў парку імя Янкі Купалы ў межах санкцыянаванай і арганізаванай Мінгарвыканкамам маёўкі. Запрашаем далучыцца да нас 1 мая ў 12.00 у парку Янкі Купалы.
Будзем разам пад сцягамі аб`яднанай Еўропы і сцягамі нацыянальных колераў! Беларусь далучыцца да Еўрапейскага Саюза.
Ад імя Еўрапейскай кааліцыі "Свабодная Беларусь" —
Мікалай СТАТКЕВІЧ, старшыня Беларускай сацыял-дэмакратычнай партыі (Народная Грамада).
