Не – рэпрэсіўным дзеянням уладаў! :: Хартыя'97 :: Навiны

Беларускія ўлады ў чарговы раз пайшлі на грубае ігнараванне беларускіх і міжнародных норм арганізацыі масавых мерапрыемстваў. Пасля “Чарнобыльскага шляху” 26 красавіка 2004 г. – мірнага шэсця беларускіх грамадзян у трагічную дату нашай гісторыі – асуджаны на 10 сутак арышту Алесь Міхалевіч, сустаршыня Асамблеі дэпутатаў мясцовых Саветаў, намеснік старшыні партыі БНФ, вялізны штраф у 225 базавых велічынь накладзены на Людмілу Гразнову – праваабаронцу, члена Палітсавета АГП, асуджаны на 7 сутак арышту актывіст АГП Андрэй Козел. Гэта рэальныя крокі па “стабілізацыі” і “згодзе” ў грамадстве з боку беларускіх уладаў дзеля “моцнай і квітнеючай” Беларусі.

Удзельнікі і эксперты Асамблеі дэпутатаў мясцовых Саветаў выказваюць пратэст супраць рэпрэсіўных дзеянняў уладаў, патрабуюць спынення пераследу за грамадскую дзейнасць актывістаў дэмакратычнага руху Беларусі і адмену драконаўскіх прысудаў за арганізацыю і ўдзел у “Чарнобыльскім шляху”.

Кіраўніцтва краіны ў рэшце рэшт павінна зразумець, што яе рэпрэсіўныя дзеянні толькі аддаляюць Беларусь ад аб’яднанай цывілізаванай Еўропы, паглыбляюць самаізаляцыю дзяржавы.

Марат Афанасьеў, дэпутат Жлобінскага гарсавета
Васіль Бычок, дэпутат Маркаўскага с/с
Леанід Гаравы, дэпутат Гарадоцкага райсавета
Сяргей Антусевіч, дэпутат Гарадзенскага гарсавета
Вольга Галубовіч, дэпутат Свіслацкага п/с
Юрась Глушакоў, дэпутат Гомельскага гарсавета
Юрась Губарэвіч, дэпутат Белаазёрскага гарсавета
Аляксандр Зарэмбюк, дэпутат Мастоўскага райсавета
Юрась Зянковіч, дэпутат Мінскага райсавета і Ждановіцкага п/с
Уладзімір Малей, дэпутат Маларыцкага райсавета
Яўген Пракурат, дэпутат Бярозаўскага райсавета
Іван Шэга, дэпутат Слонімскага райсавета
Андрэй Клікуноў, магістр дзяржаўнага кіравання
Віталь Макаранка, магістр дзяржаўнага кіравання
Минск, Белоруссия