Перамовы паміж польскімі і беларускімі сацыя-дэмакратамі :: Хартыя'97 :: Навiны

Па запрашэнню кіраўніцтва Саюза Левых Дэмакратаў Польшчы каардынатар Еўрапейскай кааліцыі “Свабодная Беларусь”, старшыня Беларускай сацыял-дэмакратычнай партыі (Народная Грамада) Мікалай Статкевіч, першы намеснік Алесь Арастовіч і член Прэзідыума Выканаўчага Бюро партыі Юрый Маркоўскі наведалі польскі горад Уладаву ў Люблінскім ваяводстве. Там адбывалася ўрачыстая прэзентацыя пачатку выбарчай кампаніі па выбарах ў Еўрапарламент, што стала актуальным з моманту ўваходжання Польшчы ў Еўрапейскі Саюз. 9 мая паміж суседнімі гарадамі Уладава і Губін быў арганізаваны тэлемост, у якім бралі ўдзел кіраўнікі СЛД і Уніі Працы, а таксама беларускія госці. Усё гэта адбывалася пры актыўным удзеле шматлікіх польскіх выбаршчыкаў. Пры гэтым лідэр СЛД Кшыштаф Янік (Krzysztof Janik) у сваім выступе заявіў, што ён упэўнены ў тым, што беларускія сацыял-дэмакраты прывядуць Беларусь ў Еўрапейскі Саюз.

Падчас знаходжання ў Польшчы адбыліся перамовы паміж кіраўнікамі БСДП (НГ) і кіраўнікамі і лідэрамі СЛД Маршалкам Сейму Юзафам Олексы (J?zef Oleksy) , Маршалкам Сенату Лонгінам Пастусякам (Longin Pastusiak), Марэкам Дэдухам (Marek Dyduch), Тадэушам Івіньскім (Tadeusz Iwi?ski), ваяводам Анджэем Куроўскім (Andrzej Kurowski), а таксама Ізабэлай Яруга-Навацкай (Izabela Jaruga-Nowacka) (Унія Працы). Былі абмеркаваны пытанні далейшага супрацоўніцтва паміж польскімі і беларускімі сацыял-дэмакратамі ва ўмовах набліжэння краін Еўрасаюза да Беларусі.
Минск, Белоруссия