Уладзімір Леванеўскі: «Настрой у мяне баявы» :: Хартыя'97 :: Навiны

У суботу, 16 траўня з Ізалятара часовага ўтрымання быў вызвалены 18-гадовы Ўладзімір Леванеўскі, сын лідара Агульнанацыянальнага страйкаму прадпрымальнікаў Валерыя Леванеўскага. Уладзімір Леванеўскі адбыў пакаранне за арганізацыю першатравеньскай акцыі пратэсту. Ён пагадзіўся адказаць на пытанні газеты “День”.

- Як настрой пасля "знаёмства" з ізалятарам?

- Настрой у мяне баявы. Я не шкадую, што адсядзеў гэтыя 13 сутак. Прынамсі, цяпер ведаю, што гэта такое.

- Ці кантактаваў ты з бацькам, падчас адбывання пакарання?

- Не. Ён сядзеў у "кастрычніцкім" ізалятары, а я ў "ленінскім". Акрамя таго, мне былі забаронены сустрэчы і мяне не выводзілі на прагулкі. Увесь гэты час я знаходзіўся ў камеры. Толькі адзін раз мяне вывелі на вуліцу, 13 траўня калі мяне даставілі ў Адміністрацыйную камісію, дзе прысудзілі штраф у памеры 95 тысячаў за распаўсюд улётак.

- Ці дапытвалі цябе супрацоўнікі КГБ?

- Так. Мяне дапыталі ў якасці сведкі. Са мной абыходзіліся нармальна. Моцнага ціску не было, былі "каверзныя" пытанні. Іншая сітуацыя была ў маёй сястры Кацярыны. Яна распавядала, што да яе ставіліся па-хамску. Асабліва падчас ператрусу. Яна рабіла заўвагі, а ў пратакол гэтага не заносілі. Ёй заявілі, што яна пабочная асоба, а потым выклікалі на допыт у якасці сведкі. Асабліва груба ў адносінах да яе паводзіў сябе аператар КГБ, які здымаў ператрус на відэакамеру. Ён каментаваў усё "умными" выказваннямі. Відаць, хацеў паказаць, які ён разумны.

- Ты знаёмы з артыкулам "Конфискация с многоточием...", які з`явіўся ў "Бирже информации"? У прыватнасці, там гаворыцца: "последняя акция так называемого Стачкома с его призывами к борьбе в смеси с нецензурными стихами более походит на провокацию, с помощью которой нанесён удар и по независимой газете ДЕНЬ и по общественным организациям. Не исключено также, что такой "подарок" вышеназванным организациям мог преподнести и кто-нибудь из допрашиваемых…" Як ты гэта ацэньваешь?

- Так, я знаёмы з гэтым артыкулам. Мне было непрыемна яго чытаць... Відаць, ён быў напісаны пад замову КГБ. Мы сядзім, нас прэсуе КГБ, а тут... Я не ведаю, як гэта магчыма ў незалежным друку, хаця, канешне, "Биржа инфармации" не такая ўжо і незалежная... lllllБелоруссия