Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка: За адмову ад дзяржаўнага разьмеркаваньня пазбавім дыплёму 11:30, 20/05/2004
Міністэрства адукацыі мае намер узмацніць кантроль за працаўладкаваньнем выпускнікоў дзяржаўных ВНУ, якія навучаліся за кошт бюджэту. Прынятае рашэньне, што калі такі выпускнік адмаўляецца ехаць працаваць па месцы дзяржаўнага разьмеркаваньня, то будзе пазбаўлены дыплёму ці мусіць вярнуць дзяржаве грошы, якія дзяржава выдаткавала на яго адукацыю. Пра гэта, як перадае Радыё Свабода, паведаміў першы намесьнік міністра адукацыі Беларусі Аляксандар Жук. Ён сказаў, што гэтае рашэньне было прынятае паводле загаду кіраўніка дзяржавы.
Аляксандар Лукашэнка заявіў: “Мы прамантачваем грошы дзяржаўнага бюджэту, калі фінансуем імі вышэйшую адукацыю маладых людзей, якія потым працуюць у прыватным сэктары ці эмігруюць. Калі дзяржава забясьпечыла вашу адукацыю на працягу 5 гадоў, ваш абавязак – адпрацаваць на дзяржаву ня менш як такі ж час ці яшчэ даўжэй”.
Лукашэнка далей патлумачыў: “Калі вы адмаўляецеся працаваць там, куды ўнівэрсытэт вас накіраваў, дзяржава мае права ўжыць санкцыі, уключна з ануляваньнем вашага пасьведчаньня пра вышэйшую адукацыю”.
Цяпер сярэднія выдаткі на навучаньне студэнта ў беларускім дзяржаўным ВНУ складаюць прыкладна 1200 даляраў на год. Минск, Белоруссия
