Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэкан Полацкага ўніверсітэту запалохвае актывістаў незалежнага студэнцкага руху 11:24, 21/05/2004
20 траўня актывістка ЗБС (Задзіночаньня беларускіх студэнтаў) з Наваполацку была выклікана ў дэканат інжынерна будаўнічага факультэта Полацкага дзяржаўнага ўніверсітэту, дзе адбылася размова з дэканам факультэта Бакатовічам.
Дэкан пытаўся пра дзейнасьць ЗБС: што за арганізацыя, чым займаецца, хто старшыня, колькасьць сяброў, з якіх факультэтаў, пра дзейнасьць і адкуль грошы на дзейнасьць, аб маючай адбыцца выставе “Голая Студэнцкая Праўда”, якую плануюць правесьці сябры Наваполацкага ЗБС, дзе яна будзе праводзіцца і адкуль грошы на правядзеньне. Дэкан папрасіў прынесьці Статут ЗБС, каб даведацца больш пра дзейнасьць арганізацыі.
Дэкан Бакатовіч папярэдзіў дзяўчыну, каб не займалася больш такой дзейнасьцю, бо могуць быць непажаданыя для яе наступствы.
Варта адзначыць, Бакатовіч толькі два тыдні таму заняў пасаду дэкана інжынерна-будаўнічага факультэта, паведамляе праваабарончы цэнтр “Вясна”. Белоруссия
, iнформэр
