Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія габрэі ствараюць антыфашысцкі камітэт 14:55, 01/07/2004
Беларускія габрэйскія арганізацыі ствараюць антыфашыстоўкі камітэт дзеля змаганьня з пагрозай пашырэньня антысэмітызму. Пра гэта паведаміў сёньня віцэ-прэзыдэнт Саюзу беларускіх габрэйскіх аб’яднаньняў і грамадаў Якаў Басін. Габрэйскія арганізацыі Беларусі неаднаразова скардзіліся на апаганьваньне габрэйскіх могілак, адкрыты продаж юдафобскай літаратуры. Іх занепакоіла закрыцьцё адзінага ў краіне ВНУ, дзе вывучалася юдаіка. Якаў Басін заявіў, што беларуская пракуратура і КГБ недастаткова рашуча змагаюцца з праявамі нэафашызму, са скінгэдамі, якія дзейнічаюць у Беларусі абсалютна адкрыта. Спадар Басін лічыць, што скінгэды маюць у краіне калі не адкрытую падтрымку, то прынамсі цярпімасьць з боку дзяржавы. “Гісторыя 20-га стагодьдзя сьведчыць пра тое, што цярпімае стаўленьне да нэанацысцкіх тэндэнцыяў у дзяржаве раней ці пазьней вядзе да незваротных наступстваў, разбуральных зьяваў у грамадзтве і ў рэшце да шматлікіх чалавечых ахвяраў”, – гаворыцца ў звароце саюзу габрэйскіх арганізацыяў, якое цытуе Радыё Свабода.
, iнформэр
