Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прысуд Аксане Новікавай уступіў у законную сілу 12:04, 01/07/2004
Прысуд Аксане Новікавай уступіў у законную сілу — цяжарную жанчыну могуць адправіць на “хімію” адбываць пакараньне за паклёп на прэзыдэнта. Аксана будзе абскарджваць дзеяньні Кастрычніцкага суду Менску, паведаміла Радыё Свабода.
Аксана Новікава 29 чэрвеня прынесла ў суд скаргу на судовае рашэньне, але ўзяць яе адмовіліся, спаслаўшыся на тое, што прысуд — два з паловай году абмежаваньня волі за паклёп на прэзыдэнта — ўступіў у законную сілу.
Аксана Новікава лічыць, што суд наўмысна пайшоў на такі крок: “18 чэрвеня я занесла ў суд Кастрычніцкага раёну папярэднюю скаргу. Цяпер мне нахабна кажуць у вочы, што я ніколі нічога не прыносіла, таму прысуд уступіў у законную сілу і я не магу яго ўжо абскардзіць. У мяне такое адчуваньне, што яны наўмысна згубілі маю скаргу, каб прысуд набыў законную сілу і каб я паехала адбываць пакараньне на “хімію””.
Паводле заканадаўства цяжарную жанчыну, якая яшчэ і выхоўвае маленькае дзіця, ня могуць караць “хіміяй”. Але ў судовых дакумэнтах няма зьвестак аб цяжарнасьці Аксаны. Цяпер гарадзкі суд мусіць разгледзець наглядную скаргу — і адмяніць прысуд раённага суду, альбо зь ім пагадзіцца. Минск, Белоруссия
, iнформэр
