Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
7 ліпеня заснавальнік і рэдактар недзяржаўнай ваўкавыскай "Местной газеты" Андрэй Шантаровіч атрымаў папярэджанне ад галоўнага інспектара пажарнай аховы В. Сядзюка. Калі да 5 жніўня Шантаровіч не зробіць "комплекснага рамонту" займанага рэдакцыяй памяшкання, то эксплуатацыю будынка прыпыняць, паведамляе прэс-служба БАЖ.
Шантаровіч лічыць гэта працягам санкцыянаванага ўладамі пераследу яго выдання. У прыватнасці, ён паведаміў, што Смаргонскі суд нядаўна прыняў да разгляду зыск супраць "Местной газеты" на суму 100 млн. рублёў, які падаў герой адной з публікацый. Судовы разгляд гэтай справы прызначаны на 13 ліпеня.
Нагадаем таксама, што ў гэтым годзе супрацоўнікі падаткавай інспекцыі двойчы сканфіскоўвалі ў грамадскіх распаўсюднікаў недзяржаўную "Местную газету" і ўсе грошы ад яе продажу нібыта за гандаль без ліцэнзіі.
Акрамя гэтага, у канцы траўня "Местную газету" адцэнзуравалі ў мінскай друкарні "Светач": пасля таго, як галоўны рэдактар адмовіўся здымаць з паласы артыкул пра парушэнні ў ваўкавыскай падаткавай інспекцыі, нумар быў цалкам зняты з друку. Белоруссия
, iнформэр
