Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Магілёўскія прадпрымальнікі выйшлі на акцыю пратэсту 10:58, 13/07/2004, Марыя Ўсьціновіч, Радыё Свабода
Акцыя пратэсту прадпрымальнікаў з аднаго з самых буйных рынкаў Магілёву – Задняпроўскага адбылася 12 ліпеня. Прыватнікі выказалі свой пратэст уладам, якія пакінулі іх без працоўных месцаў.
На цэнтральнай плошчы Магілёва, насупраць дому саветаў сабралося каля дзвюх соцень прадпрымальнікаў. Яны хацелі, каб чыноўнікі пачулі іх патрабаваньне – не адбіраць у іх працу і заробак.
Справа ў тым, што “вэртыкаль” Магілёва дала дазвол прыватнай фірме пабудаваць на месцы Задняпроўскага рынку сучасны гандлёвы цэнтар. Напрыканцы сакавіка з дапамогай падобнай на сёньняшнюю акцыі пратэсту прадпрымальнікі дамагліся ад уладаў абяцаньня перанесьці рынак у іншае, прыстасаванае для гандлю месца. На тэрыторыі былога вайсковага шпіталю на вуліцы Лазарэнка пачалі будаваць Віленскі рынак. Сёньня ж стары рынак зачыніўся, а новы не гатовы. Гэта і стала прычынай новага канфілкту паміж прадпрымальнікамі і ўладамі.
Прадпрымальнікі вінавацяць ўлады ў цяперашняй непрыемнай сытуацыі. Чыноўнікі, каб пагасіць канфлікт з прадпрымальнікамі, 12 ліпеня дазволілі гандлярам часова, на тыдзень вярнуцца на свае працоўныя месцы. На 20 ліпеня прызначанае адкрыцьцё новага Віленскага рынку. Минск, Белоруссия
, iнформэр
