Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пікет ля беларускай амбасады ў Празе 17:44, 21/07/2004
У рамцы ўсеагульнай эўрапейскай акцыі з нагоды сканчэньня 10-гадовага прэзыдэнцтва Аляксандра Лукашэнкі, якая пачалася яшчэ ўчора пікэтаваньнем будовы Эўрапарлямэнту ў Бруселе, у Празе ля беларускай амбасады, сёння раніцай адбылася дэманстрацыя, у якой прымалі удзел каля 15 беларусаў, вымушаных прасіць палітычнага прытулку. Напярэдадні ўначы хтосьці ўжо зрабіў першы падарунак Лукашэнку, павіншаваўшы яго са сьвятам - напісаў спрэем на плоце амбасады наступныя словы: “STOP LUKA” ды “POZOR DIKTATURA” (“УВАГА, ДЫКТАТУРА” па-чэску).
Ніхто з супрацоўнікаў амбасады не адгукнуўся на запрашэньне каардынатара акцыі разьвітваньня з прэзыдэнтам-дыктатарам выйсьці на вуліцу ды паразмаўляць з суайчыньнікамі. Удзельнікі акцыі трымалі лёзунгі “Беларусь - у Эўропу і НАТА”, “ЗА - незалежную дэмакратычную Беларусь”, “СУПРАЦЬ - дыктатарскаму рэжыму Лукашэнкі, СУПРАЦЬ - расейскай акупацыі”, “Свабоду Марынічу!” ды іншыя. Акцыя беларусаў-эмігрантаў прыцягнула ўвагу жыхароў ды гасьцей “залатой Прагі”, паведамілі прэс-цэнтру Хартыі ў Беларуска-Эўрапейцскім Зьвязе (БЭЗ). Минск, Белоруссия
, iнформэр
