У Бярозе судзяць праваабаронцу :: Хартыя'97 :: Навiны

Суд над юрыстам Праваабарончага цэнтру “Вясна”Аляксандрам Шавелем адбудзецца сення у Бярозе. 18 жніўня Аляксандр Шавель ўдзельнічаў у грамадзянскім працэсе і выказаў крытыку у адрас пракурора, пасьля чаго быў абвінавачаны ў непавазе да суда. З залы суда А.Шавель быў дастаўлены ў РУУС Бярозаўскага раёну, дзе на яго быў складзены пратакол за зьдзяйсьненьне правапарушэньня, цяпер праваабаронцу чакае суд.

Як паведамляе прэс-служба Партыі БНФ, пракурор раёну Мечыслаў Курыловіч зрабіў інсцэніроўку ўласнай абразы. У адным памяшканьні на першым паверсе знаходзіцца раённая пракуратура, а на другім -- раённы суд. У судзе ўчора меў месца працэс па камунальнай справе, на якім ў якасьці абаронцы выступаў Аляксандр Шавель, юрыст незарэгістраванага праваабарончага цэнтру "Вясна" і ў той жа час -- сябра ініцыятыўнай групы па зборы подпісаў за вылучэньне дэпутатам Палаты прадстаўнікоў сябры Партыі БНФ Юрыя Губарэвіча. Недзе а першай гадзіне дня ў працэсе быў абвешчаны перапынак, і Шавель выйшаў на ганак. Тут яго сустрэў пракурор Курыловіч і прамовіў: "Давай адыйдзем за вугал, трэба паразмаўляць". А праз некалькі імгненьняў выбег з-за
вугла, ды стаў крычэць: "Ён мяне абразіў!" Прыехала міліцыя, пасадзіла Шавеля ў пастарунак, і сёньня над ім адбываецца суд.

Юры Губарэвіч лічыць, то гэта было зроблена адмыслова, каб, пасадзіўшы Шавеля на некалькі содняў адміністрацыйнага арышту, тым самым "вывесьці" яго з працэсу збора подпісаў. Белоруссия