Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыя канфіскавала кнігі Клімава 10:40, 23/08/2004
Затрыманьнем і канфіскацыяй кніжак скончылася імпрэза, якую наладзіў Андрэй Клімаў у Менску. 21 жніўня ў рэстарацыі “Журавінка” былы прадпрымальнік і дэпутат Вярхоўнага Савету ХІІ скліканьня сабраў сваіх прыхільнікаў, каб агучыць ідэю свайго ўдзелу ў прэзыдэнцкіх выбарах 2006 году, а таксама рэпрэзэнтаваць сваю новую кніжку, якая ў арыгінале завецца “Прогулки с вампиром”.
Позна ўвечары – пасьля дзясятай міліцыянты спынілі аўтамабіль, у якім знаходзіліся Андрэй Клімаў з жонкай Тацянай. Міліцыянты адабралі дакумэнты ва ўладальніка аўтамабіля Леаніда Малахава, і канфіскавалі з багажніка каля дзьвюх соцен кніжак “ Прогулки с вампиром” і “Очевидные истины”. Паводле Андрэя Клімава, у міліцыі яму намякнулі -- на вяртаньне кніжак можна не спадзявацца, паведамляе Радыё Свабода.
