Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эўрапарлямэнт вылучае беларускі рух «Зубр» на прэмію Сахарава 12:52, 09/09/2004
Адна з фракцыяў Эўрапейскага парлямэнту вылучыла беларускі моладзевы рух “Зубр” на прэмію Сахарава, якой парлямэнт штогод узнагароджвае змагароў за правы чалавека ў сьвеце. Вось як патлумачыў «Радыё Свабода» гэтую намінацыю адзін зь сябраў фракцыі “Зьвяз за Эўропу нацыяў”, польскі дэпутат Конрад Шыманскі: “Я думаю, што парушэньні правоў чалавека і палітычных правоў у Беларусі, каля межаў Эўразьвязу, павінны быць сярод нашых прыярытэтаў. І гэта галоўная прычына намінаваць "Зубр" на гэтую ўзнагароду. Другая прычына – увогуле прыцягнуць увагу эўрапейскіх палітыкаў да падзеяў у Беларусі. На жаль, вельмі часта эўрапейскія палітыкі глядзяць удалечыню і ня бачаць, што ў адносінах да найбліжэйшых суседзяў мы маем вялікія праблемы, і адпаведна, вялікую адказнасьць".
Першае галасаваньне па кандыдатах на прэмію Сахарава мае адбыцца пры канцы верасьня. Акрамя руху “Зубр,” сёлета яшчэ 11 кандыдатаў, у тым ліку прэзідэнт ЗША Джордж Буш, былы прэзідэнт Чэхіі Вацлаў Гавел, расейскі праваабаронца, былы дэпутат дзяржаўнай Думы Сяргей Кавалёў. Минск, Белоруссия
