Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польскі Сэйм асудзіў парушэньні правоў чалавека ў Беларусі 10:38, 13/09/2004
“Польскі Сэйм з занепакоенасьцю глядзіць на апошнія падзеі ў Беларусі, якія сьведчаць аб парушэньнях правоў чалавека і абмежаваньнях правоў беларускіх грамадзянаў”, гаворыцца ў заяве польскага Сэйму. Польскія парлямэнтары ўнесьлі ў тэкст дакумэнту канкрэтныя выпадкі, такія як забарона Беларускай партыі працы ды ліквідацыя Эўрапейскага гуманітарнага ўнівэрсытэту. У заяве гаворыцца, што ў камуністычныя часы падтрымка Захаду была вельмі важная для польскіх дэмакратычных сілаў, таму цяпер яны салідарызуюцца з тымі беларусамі, хто змагаецца за свабоду й дэмакратыю ў сваёй краіне.
“Сэйм заклікае ўлады Беларусі спыніць практыку дыскрымінацыі інстытутаў грамадзянскай супольнасьці, бо толькі безумоўная пашана да нормаў дэмакратыі, а таксама да правоў і свабодаў чалавека і грамадзяніна дазволіць вярнуць Беларусь у эўрапейскую сям’ю вольных народаў”, -- гаворыцца ў заяве польскага парлямэнту, якую прыводзіць “Радыё Свабода”. Минск, Белоруссия
