Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Заява Амбасады ЗША ў сувязі з асуджэннем Леванеўскага і Васільева 10:32, 13/09/2004
Амбасада Злучаных Штатаў Амерыкі выказвае вялікую занепакоенасць у сувязі з нядаўнім судом і прысудам Аляксандру Васільеву і Валеры Леванеўскаму. І “злачынства” - публікацыя верша - і “пакаранне” - два гады папраўчых работ -выглядаюць як грандыёзная маніпуляцыя беларускім правасуддзем, накіраваная на падаўленне свабоды слова беларускіх грамадзян.
Амбасаду таксама непакоіць тое, што суддзя не дазволіў прадстаўнікам абароны выклікаць сведкаў. Ніводны працэс не можа быць справядлівы, калі прадстаўнікам абароны не дазволена прадставіць свае аргументы і калі прадстаўлены толькі адзін пункт гледжання.
Дзеянні беларускіх судовых уладаў супраць гэтых двух палітычных дзеячоў выглядаюць палітычна матываванымі і выклікаюць сур’ёзныя сумненні наконт намеру беларускіх уладаў дазволіць адкрыты палітычны працэс напярэдадні парламенцкіх выбараў на Беларусі. Амбасада заклікае беларускія ўлады паважаць права беларускіх грамадзян на свабоду слова і спыніць выкарыстанне судоў у палітычных мэтах, як гэта адбылося ў дадзеным выпадку. Минск, Белоруссия lllll
