Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады прыпынілі выхад «Рэгіянальнай газэты» 10:40, 29/09/2004
Праца “Рэгіянальнай газэты” прыпыненая ўладамі на тры месяцы. “Рэгіянальная газэта” — незалежнае выданьне, якое асьвятляе падзеі Маладэчанскага, Вялейскага, Мядзелскага, Валожынскага, Астравецкага й Смаргоньскага раёнаў. “Рэгіянальная газэта” мае каля 10 тысяч асобнікаў накладу, выходзіць цалкам на беларускай мове і цалкам самаакупнае. “Гэта палітычна матываванае рашэньне, прынятае напярэдадні рэфэрэндуму і выбараў. Нават фармальныя прычыны не вытрымліваюць ніякае крытыкі”, -- камэнтуе сытуацыю галоўны рэдактар Аляксандар Манцэвіч.
Міністэрства інфармацыі знайшло дзьве прычыны дзеля прыпыненьня “Рэгіянальнай газэты”. Па-першае, выданьне зарэгістраванае як агульнадзяржаўнае, а распаўсюджваецца толькі ў Маладэчанскім рэгіёне. А па-другое, укладыш з праграмай мае меншы фармат, чым асноўнае выданьне.
Аляксандар Манцэвіч тлумачыць, што газэта мае падпісчыкаў і па-за Маладэчанскім рэгіёнам, а зьмена фармату ўкладыша — распаўсюджаная зьява сярод шэрагу дзяржаўных газэт.
Аргумэнты галоўнага рэдактара газэты засталіся без увагі, паведаміла “Радыё Свабода”. Минск, Белоруссия
, iнформэр
