Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Віцебскага апазыцыянэра аштрафавалі на 380 тысяч рублёў 10:57, 04/10/2004
Віцебскага апазыцыянэра Барыса Хамайду аштрафавалі на 380 тысяч. Супрацоўнікі міліцыі затрымалі Барыса Хамайду 1 кастрычніка каля Віцебскага райвыканкаму, дзе ён распаўсюджваў “Белорусскую деловую газету”, маючы на грудзёх невялікі плякат “Ня пойдзем на падманны рэфэрэндум ды псэўдавыбары”.
Адразу з пастарунку, дзе на спадара Хамайду склалі пратакол за несанкцыянаванае пікетаваньне, яго даставілі ў Чыгуначны раённы суд. Але судзьдзя Алена Грабянчук адмовілася разглядаць справу паводле ягонага затрыманьня. Затое нечакана вырашыла завяршыць судовы працэс, адкладзены 27-га верасьня з прычыны таго, што міліцыянты былі няправільна аформілі дакумэнты. Алена Грабянчук прасудзіла Барысу Хамайду штраф у 20 базавых велічыняў – 380 тысяч беларускіх рублёў.
Разгляд наступнай справы судзьдзя прызначыла на 4 кастрычніка. Да гэтага часу з ізалятару часовага ўтрыманьня ўжо мусяць выйсьці Аляксандар Салаўян ды Ўладзімер Плешчанка – сябры КХП БНФ, асуджаныя гэтай самай судзьдзёй Грабянчук на 10 сутак за тое, што разам з Барысам Хамайдам арганізавалі ў Віцебску агітацыйную кампанію за байкот выбараў ды рэфэрэндуму, паведамляе “Радыё Свабода”. Минск, Белоруссия
, iнформэр
