Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гомельскі гарвыканкам не дазваляе гараджанам ладзіць перадвыбарчыя пікеты 10:49, 08/10/2004
Замовы на правядзеньне пікетаў цягам 6-16 кастрычніка ў гарвыканкам падалі 11 жыхароў Гомеля – аднак гарвыканкам не дазваляе ім ладзіць пікеты супраць пажыццёвага прэзыдэнцтва Лукашэнкі ды афіцыйных кандыдатаў у дэпутаты.
Да прыкладу, сябра АГП Зінаіда Шуміліна меркавала ладзіць пікет супраць трэцяга тэрміну прэзыдэнта і супраць афіцыйнага кандыдата ў дэпутаты, генэрала міліцыі Леаніда Глухоўскага ў 37-й выбарчай акрузе. Аднак дазволу на пікет ні спадарыня Шуміліна, ні іншыя гараджане не атрымалі.
Не атрымаў афіцыйнага дазволу гарвыканкаму на правядзеньне сустрэчаў з выбарцамі ў людных месцах і кандыдат у дэпутаты ад АГП у Цэнтральнай выбарчай акрузе №35 Юрый Варонежцаў.
Намесьнік старшыні гарвыканкаму Мікалай Усаў паведаміў кандыдату, што месцы сустрэчаў вызначаны адміністрацыяй Цэнтральнага раёну. Іншых быць ня можа.
“Улады баяцца любой актыўнасьці, любой цікавасьці выбарцаў да тых грамадзка-палітычных працэсаў, што адбываюцца ў нашай краіне”, -- паведаміў Юрый Варонежцаў. Белоруссия
, iнформэр
