Касацыйную скаргу Леванеўскага i Васільева суд разглядзіць пасьля рэферэндуму :: Хартыя'97 :: Навiны

Касацыйная скарга лідара Агульнанацыянальнага стачкому прадпрымальнікаў, удзельніка Еўрапейскай кааліцыі “Свабодная Беларусь” Валерыя Леванеўскага i яго намесніка Аляксандра Васiльява будзе разглядацца судом Гродзенскай вобласцi 19 кастрычнiка. Нагадаем, што 7 верасня лiдары гарадзенскiх прадпрымальнiкаў былi прызнаны судом Ленiнскага раёну Гродна вiнаватымi ў здзейсненнi злачынства прадугледжанага артыкулам ст.368 ч.2 Крымiнальнага кодекса Рэспублiкi Беларусь “Знявага прэзiдэнта злучаная з абвiнавачваннем яго ў здзейсненнi цяжкага злачынства”.

Суддзя Дзмiтрый Дземчанка прыгаварыў Леванеўскага i Васiльева да 2 гадоў пазбаўлення волi. Падставай для гэтага сталася фраза «Приди и скажи, что ты против, чтобы за твой счет кто-то ездил в Австрию отдыхать, кататься на лыжах, жить в свое удовольствие», якая была надрукавана ў улётцы з заклiкам прыняць удзел у першатравеньскай акцыi пратэста.

З такiм прысудам нi Леванеўскi, нi Васiльеў, якiя дарэчы так i не прызналi сябе вiнаватымi, не пагадзiлiся.

- Судовае паседжанне па скарзе вельмi доўга адкладвалася. Я асабiста лiчу, што судзi проста хочуць дачакацца вынiкаў рэферэндума. У залежнасцi ад таго, якiя гэта будуць вынiкi, такое будзе i iх рашэнне, - заявiў ПАГОНI Уладзiмiр Леванеўскi, сын лідара прадпрымальнікаў.
Минск, Белоруссия lllll