Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ператрус у офісе праваабарончай арганізацыі 13:42, 11/10/2004
Позна ўвечары 8 кастрычніка супрацоўнікі міліцыі ўчынілі ператрус у офісе Наваполацкага рэгіянальнага аддзяленьня грамадзянскай ініцыятывы “Партнэрства”. Нагодай дзеля такіх дзеяньняў сталася заява гаспадара кватэры, у якога “Партнэрства” арандавала памяшканьне: у гаспадара нібыта ўзьнікла падазрэньне, што ў кватэры зьбіраюцца злодзеі.
Падчас ператрусу міліцыянты рэквізавалі ўсю знойдзеную літаратуру, дакумэнты, мабільны тэлефон, а таксама дыскі – носьбіты інфармацыі з кампутараў. У офіс былі выкліканыя кіраўнік наваполацкага аддзяленьня Алег Пашкевіч і яшчэ адзін актывіст грамадзянскай ініцыятывы. Неўзабаве згаданых грамадзянаў даставілі ў пастарунак дзеля дачы паказаньняў. Дахаты яны былі адпушчаныя а 1-й гадзіне ночы 9 кастрычніка.
Рэгіянальнае аддзяленьне грамадзянскай ініцыятывы “Партнэрства” зьбіралася ладзіць у рэгіёне незалежнае назіраньне за хадою парлямэнцкіх выбараў, паведаміла «Радыё Свабода”. Минск, Белоруссия
