Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Назіральнікам нельга мець пры сабе мабільны тэлефон і дыктафон 16:11, 14/10/2004
Участковая камісія №29 Гомельскай Сяльмашаўскай выбарчай акругі №34 склала акт на назіральніка ад групы грамадзянаў, актывістку ГА “Беларуская асасцыяцыя журналістаў”, вядомую гомельскую журналістку Ірыну Макавецкую. Галоўная прычына зьяўленьня акту: у выбарчым заканадаўстве няма нормы, якая б дазваляла назіральнікам мець падчас падчас знаходжаньня на выбарчым участку тэлефон і дыктафон.
“Ад мяне запатрабавалі адключыць мабільны і дастаць з дыктафона батарэйкі. Камісія вырашыла, што я запісваю ўсе размовы на ўчастку, хоць я і патлумачыла, што падчас абеду езьдзіла на інтэрвію да дырэктара аднаго з прадпрыемстваў, - расказала карэспандэнту www.belngo.info Ірына Макавецкая. – Я папрасіла ўказаць заканадаўчую норму, якая б абавязвала мяне адключаць тэлефон і разьбіраць дыктафон. На гэта старшыня камісіі адказаў, што няма такой закандаўчай нормы, якая б дазваляла мне мець падчас назіраньня тэлефон і дыктафон”. Минск, Белоруссия
