Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Шмат у якіх краінах сьвету вынікі выбараў прынята падсумоўваць ня толькі ў сьценах Цэнтральнай выбарчай камісіі. Людзі выходзяць на цэнтральныя вуліцы і плошчы гарадоў, каб выказаць радасьць перамозе і даведацца аб рэальных выніках галасаваньня. Беларусь не павінна быць выключэньнем з агульных правілаў. Калі вынікі выбараў і рэферэндуму, што адбудуцца ў гэтую нядзелю, ня будуць сфальсіфікаваныя, мы будзем радавацца перамозе дэмакратычных кандыдатаў і нашаму адказу “НЕ!” пажыцьцёваму праўленьню Лукашэнкі. Упэўненасьць менавіта ў такіх выніках даюць сацыялагічныя апытаньні і пануючыя настроі сярод беларусаў, якія стаміліся ад цяперашняй улады і хочуць лепшага жыцьця ў вольнай Беларусі. Калі ж будуць агучаныя нерэальныя “пераможныя” лічбы ў 70-80% на карысьць Лукашэнкі, мы прымем удзел у мірнай дэманстрацыі нязгоды з рэжымам. 18 КАСТРЫЧНІКА, МІНСК, КАСТРЫЧНІЦКАЯ ПЛОШЧА, 18:00 – ПАДВЯДЗЕНЬНЕ ВЫНІКАЎ ВЫБАРАЎ І РЭФЕРЭНДУМУ.
