Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чарговы рабунак у офісе апазыцыйных арганізацыяў 12:28, 01/11/2004
У Маладэчне ў ноч з 30 на 31 кастрычніка невядомымі была абрабаваная прыватная хата, у якой месьцяцца офісы тутэйшых філіяў партыі БНФ і Беларускага Хэльсынскага камітэту. Паводле актывіста маладэчанскай суполкі Партыі БНФ Алеся Капуцкага, злодзеі залезьлі ў хату праз выбітае акно: “Я раніцай прыйшоў і ўбачыў, што тут такі гармідар і тое-сёе зьнікла. Я патэлефанаваў у міліцыю, яны прыехалі, і выявілася, што тут частка аргтэхнікі зьнікла: сыстэмны блёк, факс і ксэракс, магнітола, мадэм і сканэр, а таксама радыётэлефон”.
Як вядома, тыдзень таму невядомыя абрабавалі кватэры дэмакратычных актывістаў у Менску і Віцебску. У Менску ахвярай невядомых злачынцаў стала кватэра намесьніка старшыні партыі БНФ Алеся Міхалевіча, а ў Віцебску – кватэра старшыні абласной суполкі Аб’яднанай грамадзянскай партыі Алены Залескай. Там таксама злодзеі скралі аргтэхніку зь інфармацыяй пра дзейнасьць гэтых дэмакратычных арганізацый, паведамляе «Радыё Свабода».
, iнформэр
