Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Яшчэ двое гродзенскіх журналістаў асуджаныя за пікет 10:58, 04/11/2004
20 базавых велічыняў (553 долары ЗША) з Наталлі Макушынай і столькі ж - з Анатоля Макушына пастанавіў спагнаць суд Ленінскага раёна Гродна 3 лістапада. Суддзя Вікторыя Кулакоўская прызнала гродзенскіх журналістаў вінаватымі ў парушэнні ч.1 арт. 167-1 КоАП (парушэнне парадку арганізацыі альбо правядзення сходаў, мітынгаў, вулічных шэсцяў, пікетаванняў і г. д).
Наталля Макушына заявіла, што вынясенне жорсткіх судовых рашэнняў у дачыненні да журналістаў сведчыць пра імкненне ўладаў адрадзіць "бальшавіцкі рэжым" і задушыць свабоду слова ў краіне. Прадстаўнікоў прэсы, якія прыйшлі ў суд з бэджамі "Свабоду Мажэйку!", міліцыя не ўпускала ў залю паседжанняў, прымушаючы зняць надпісы.
Наталлю і Анатоля Макушыных міліцыя затрымала 29 кастрычніка ў залі Ленінскага раённага суда, які ў той дзень разглядаў адміністратыўную справу Паўла Мажэйкі. Разам з П. Мажэйкам і яшчэ двума журналістамі яны ўдзельнічалі ў пікеце 4 кастрычніка, пратэстуючы супраць узмацнення ціску на незалежную прэсу.
Павел Мажэйка, якога 1 лістапада суд Ленінскага раёна Гродна пакараў 7 суткамі адміністратыўнага арышту, зараз утрымліваецца ў спецпрыёмніку-размеркавальніку Кастрычніцкага РАУС Гродна, паведаміла прэс-служба БАЖ. Минск, Белоруссия
, iнформэр
