Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МЗС Беларусі пазбавiла акрэдытацыi журналістаў французкага тэлеканала TF1 17:06, 08/11/2004
Здымачная група расейскага бюро французкага тэлеканала TF1, якая вечарам 5 лiстапада здымала акцыю пратэсту руху супраціву "Зубр" у Менску, пазбаўлена акрэдытацыi пры Міністэрстве замежных спраў Беларусі.
Актывiсты маладзёжнага руху супрацiву "Зубр" увечары 5 лiстапада вешалi на чыгуначным мосце расцяжку "Лукашэнка прайграў" (там жа, дзе тры тыднi таму вiсеў плакат "17 октября – выборы депутатов палаты представителей Национального Собрания Беларуси и конституционный референдум").
Французаў затрымалі два мужчыны ў цывiльным, забралi дакументы i прымусiлi спынiць здымку. Здымачную групу тэлеканала TF1 даставiлi ў РУУС Маскоўскага раёна Менску. Пратрымаўшы французаў гадзiны са дзве ў пастарунку, мiлiцыянты забралi вiдэакасету, сцёрлi запiс. Заключным акордам сталася пазбаўленне здымачнай групы расейскага бюро французскага тэлеканала TF1 акрэдытацыi пры МЗС Беларусi. Французам паабяцалi патлумачыць прычыны пазбаўлення акрэдытацыi 8 лiстапада, але замежныя тэлевiзiёншчыкi палiчылi за лепшае найхутчэй з`ехаць з Менску, паведамляе ПАГОНЯ. Минск, Белоруссия
, iнформэр
