Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Праваабаронцу Гары Паганяйлу аштрафавалі за пікет перад пракуратурай 11:08, 12/11/2004
Адміністрацыйная камісія Маскоўскага раёну Менску пакарала вядомага адваката, праваабаронцу, намесніка старшыні Беларускага Хельсінкскага камітэту Гары Паганяйлу грашовым штрафам у памеры пяці мінімальных заробкаў. Адміністрацыйныя судзьдзі вырашылі, што вядомы праваабаронца распаўсюджваў незарэгістраванае выданьне. Меліся на ўвазе брашуры з дакумэнтамі аб зьніклых палітыках, што трымалі ў руках удзельнікі пікету ля будынку пракуратуры Беларусі. Акцыя адбылася 16 верасьня, у пятую гадавіну зьнікненьня апазыцыянэраў Віктара Ганчара і Анатоля Красоўскага.
Гары Паганяйлу затрымалі разам зь яшчэ двума ўдзельнікамі пікету, між тым ён адмаўляе, што распаўсюджваў незарэгістраванае выданьне і гэтым парушаў закон. Тое, што насуперак закону яго прызналі вінаватым, праваабаронцу не зьдзіўляе:
“Яны фальсыфікуюць крымінальныя справы, незаконна асуджаюць на пазбаўленьне волі, гэта сёньня робіцца лёгка. Дык што ім пакараць рублём нейкага Паганяйлу, правабаронцу”, -- сказаў праваабаронца “Радыё Свабода”.
І ўсё ж Гары Паганяйла не пагадзіўся з пакараньнем і зьбіраецца абскарджваць яго ў вышэйшай судовай інстанцыі.
, iнформэр
