Уладзiмiр Лукiн павiншаваў БАЖ з атрыманнем прэмii iмя Андрэя Сахарава :: Хартыя'97 :: Навiны

Упаўнаважаны па правах чалавека ў Расiйскай Федэрацыi Ўладзiмiр Лукiн даслаў сёння на адрас БАЖ урадавую тэлеграму з вiншаваннямi. «Уся гiсторыя беларускай прэсы – гэта гiсторыя змагання за справядлiвасць, свабоду слова i сумлення ў абароне правоў чалавека, ягоных iнтарэсаў i годнасцi. Галоснасць заўжды была самым першым iнструментам у гэтай барацьбе. Роля прэсы ў пабудове грамадскай супольнасцi ўзрастае з кожным днём», – адзначаецца ў тэлеграме.

Уладзiмiр Лукiн – вядомы расiйскi палiтык, дэпутат, вiцэ-старшыня грамадскага аб’яднання “Яблоко”. У лютым гэтага году быў вылучаны прэзiдэнтам Расii Уладзiмiрам Пуцiным на пасаду ўпаўнаважанага па правах чалавека ў Расiйскай Федэрацыi.

Прэмiя iмя Андрэя Сахарава заснавана Еўрапарламентам i прызнаецца штогод. У мiнулым годзе гэта прэмiя была прызнана Арганiзацыi Аб’яднаных Нацый. Сёлета прэмiя будзе ўручана БАЖ на снежаньскай сесii Еўрапарламенту, нагадвае газета «Пагоня».
Минск, Белоруссия