Пракуратура не вяртае канфіскаваную маёмасць сям’і Леванеўскіх :: Хартыя'97 :: Навiны

Жонка кіраўніка Агульнанацыянальнага старайкаму прадпрымальнікаў, сябра Еўрапейскай кааліцыі “Свабодная Беларусь” Валеры Леванеўскага, які быў асуджаны да дзвюх гадоў калоніі нібыта за абразу прэзідэнта, звярнулася да Генеральнага пракурора i шэрагу iншых дзяржаўных органаў i службовых асобаў з патрабаваннем вырашыць лёс канфiскаванай у сям’i Леванеўскiх маёмасцi. У Леванеўскiх канфiскавалi маёмасць больш чым на 15 тысяч даляраў ЗША. Акрамя таго, падчас ператрусу, якi праводзiўся гарадзенскай управай КГБ, з кватэры знiкла 10 тысяч даляраў ЗША.

- Мой муж i я неаднаразова заяўлялi, што маёмасць, якая была канфiскавана, належыць не асабiста Леванеўскаму, а сям’i Леванеўскiх, i з’яўляецца агульнай, супольна нажытай маёмасцю, - сцвярджае ў сваёй заяве Марына Леванеўская.

На падставе рашэння суда ў Валерыя Леванеўскага была канфiскавана аргтэхнiка i праграмнае забяспечанне, якое, па словах Леванеўскага, з’яўляецца ягонай iнтэлектуальнай уласнасцю. Аднак найбольш скандальным з’яўляецца абвiнавачанне афiцэраў гарадзенскага УКГБ у крадзежы грошай.

- Пасля ператрусу, якi быў праведзены 7 мая, у нашай кватэры не аказалася грошай, хоць, са словаў мужа, больш за 10 тысяч даляраў ЗША знаходзiлiся ў шафе на бачным месцы. Дзiўнымi з’яўяюцца тыя абставiны, што ў пратаколе выняцця ёсць усё – i кампт-дыскi з праграмамi, i фатаздымкамi, i розныя дакуманты (больш за 20 тысяч штук,) кампутары, ксераксы, пячаткi, петарды, папера i iншае, забiралi ўсё, што бачылi ў кватэры; але няма нiводнага рубля альбо замежнай валюты, - адзначае Марына Леванеўская.

З падобнымi заявамi на iмя служовых асоб звярнулiся i двое сыноў Леванеўскага – Уладзiмiр i Дзмiтрый. Сям’я Леванеўскiх патрабуе вяртання незаконна забраных рэчаў.

- Мы асаблiва не спадзяемся на справядлiвасць, таму што пасля суду ў нас няма нiякiх iлюзiяў, але неяк трэба змагацца, ды зрэшты проста цiкава, што яны нам адкажуць, - патлумачыў ПАГОНI Уладзiмiр Леванеўскi.
Минск, Белоруссия lllll