Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сьпецпраект: выбары прэзыдэнта Украіны на www.charter97.org 18:11, 19/11/2004
Нашыя суседзі-украінцы выбіраюць новага прэзыдэнта сваёй краіны. У нядзелю, 21 лістапада, ва Украіне пройдзе другі тур выбараў. На пасаду кіраўніка дзяржавы прэтэндуюць Віктар Януковіч і Віктар Юшчанка, які перамог у першым туры. У гэтую нядзелю Украіна ня проста выбірае прэзыдэнта – яна выбірае далейшы шлях разьвіцьця. Януковіч ёсьць стаўленікам улады, Юшчанка – адзіным кандыдатам ад апазыцыі. Выбарчая кампанія ва Украіне суправаджаецца рэпрэсіямі супраць апазыцыйных палітыкаў, актывістаў, недзяржаўных СМІ. Масавыя акцыі ў падтрымку Юшчанкі дэманструюць рашучасьць народу адстойваць свой выбар на вуліцах. Цягам усяго тыдня мы будзем падрабязна знаёміць вас, шаноўныя наведвальнікі, з разьвіцьцём падзеяў ва Украіне. У дзень выбараў – нядзелю, 21 лістапада – мы будзем працаваць, пачынаючы з 15-ці гадзінаў па менскім часе і да моманту абвяшчэньня вынікаў выбараў. Нашыя сьпецыяльныя карэспандэнты ў Кіеве будуць знаёміць вас з камэнтарамі і меркаваньнямі удзельнікаў украінскіх падзеяў. Заставайцеся з намі!
, iнформэр
