Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украінскую апазыцыю падтрымалі беларускія рэгіёны 12:20, 29/11/2004
У райцэнтры Глыбокае на Віцебшчыне прайшла акцыя салідарнасьці з украінскай апазыцыяй. Акцыя адбылася ў нядзелю на Глыбоцкім кірмашы – самым людным месцы райцэнтру. Яе падрыхтавалі ды правялі тутэйшыя актывісты партыі БНФ “Адраджэньне”, паведамляе "Радые Свабода".
Распавядае адзін з арганізатараў, Яраслаў Берніковіч:
-- Раздавалі тут сьцяжкі, надзіманыя балёнікі, стужкі – усё-усё памаранчавае. Учора цэлы вечар сьцяжкі рабілі, і сёньня на кірмашы раздалі некалькі соцень!
На сьцяжках, якія атрымалі глыбачане, было напісана “За нашу ды вашу свабоду!” і “ Юшчанка – так!”. Дарэчы, усяго за некалькі дзесяткаў кілямэтраў адсюль, у суседнім Докшыцкім раёне, месьціцца вёска Янукі – малая радзіма Віктара Януковіча. Аднак глыбачане, што прынялі ўдзел у акцыі, выказалі падтрымку ягонаму апанэнту Віктару Юшчанку.
