Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ірына Макавецкая, уласны карэспандэнт "Народнай волі" па Гомельскай вобласці, можа быць прыцягнута да адміністратыўнай адказнасці за тое, што хацела прысутнічаць на адкрытым судовым паседжанні. Ёй можа быць выстаўлена абвінавачанне ў непавазе да суда.
Слуханні адміністратыўнай справы, пра якую збіралася рыхтаваць матэрыял журналістка, распачаліся ў судзе Чыгуначнага раёна Гомеля 2-га снежня ў 10.00. У самым пачатку паседжання старшыня суда Таццяна Адрыбец заявіла, што не дазваляе І. Макавецкай прысутнічаць у залі суда. Журналістка адмовілася выйсці, зазначыўшы, што будзе падпарадкоўвацца толькі законным патрабаванням. Тады суддзя выклікала нарад міліцыі, які даставіў І. Макавецкую ў Чыгуначны РАУС. Пра гэта паведаміў прэс-службе ГА "Беларуская асацыяцыя журналістаў" кіраўнік гомельскага гарадскога аддзялення рэспубліканскага грамадскага аб`яднання "Прававая ініцыятыва" Леанід Судаленка.
Паводле Л. Судаленкі, пратакол, хутчэй за ўсё, будзе складзены па арт. 166 прым. КоАП - непавага да суда. За парушэнне гэтай нормы журналістцы можа пагражаць штраф да 10 базавых велічыняў альбо адміністратыўны арышт да 15 сутак. Белоруссия
