Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Рэпарцёры без межаў» пратэстуюць супраць прыпынення беларускай незалежнай газеты 14:09, 02/12/2004
Міжнародная журналісцкая арганізацыя "Рэпарцёры без межаў" 1-га снежня накіравала міністру інфармацыі Уладзіміру Русакевічу ліст пратэсту з нагоды трохмесячнага прыпынення недзяржаўнай газеты "Биржа информации". "Рэпарцёры" выказалі заклапочанасць з нагоды ўціску недзяржаўнай прэсы ў Беларусі ў цэлым і названага выдання - у прыватнасці і запатрабавала адмяніць загад аб яго прыпыненні, паведамляе прэс-служба БАЖ.
Арганізацыя звяртае ўвагу на тое, што за артыкул, які стаўся нагодай для прыпынення газеты, галоўны рэдактар выдання Алена Раўбецкая раней ужо была аштрафавана на суму каля 500 еўра.
"Рэпарцёры без межаў" разглядаюць прыпыненне "Биржи информации" у шэрагу іншых падобных выпадкаў і нагадваюць, што некалькі незалежных газет былі прыпынены па фармальных бюракратычных прычынах напярэдадні кастрычніцкага рэферэндума і парламенцкіх выбараў, якія ператварыліся ў шырокамаштабную кампанію пераследу мас-медыя. Белоруссия
